ជាទូទៅស្ត្រីស្ទើរតែទាំងអស់មានការហូរទឹករំអិលចេញពីទ្វារមាស ប៉ុន្តែវាគឺជារឿងធម្មតា។ ប្រសិនបើអ្នកសម្គាល់ឃើញថា ការហូរទឹករំអិលរបស់អ្នកមានក្លិនមិនល្អ និងមានភាពរមាស់ ហើយក្រហាយនេះបង្ហាញថា មានការឆ្លងមេរោគផ្សិតនៅលើទ្វារមាសហើយ។ ជាធម្មតា ការឆ្លងមេរោគទាំងនេះត្រូវបានព្យាបាលដោយក្រែម ឬឱសថដែលត្រូវដាក់បញ្ចូលតាមទ្វារមាស។ ប៉ុន្តែការព្យាបាលនេះ អាចជួយកម្ចាត់ការឆ្លងមេរោគតែបណ្តោះអាសន្ន ហើយអាការៈជំងឺភាគច្រើននឹងកើតាមានការឆ្លងមេរោគផ្សិតវិញ បន្ទាប់ពីប៉ុន្មានសប្តាហ៍ ឬប៉ុន្មានខែក្រោយមក។
ដូច្នេះស្ត្រីគ្រប់រូបគួរតែព្យាយាមស្វែងយល់ដោយខ្លួនឯង ទៅលើមូលហេតុនៃការឆ្លងមេរោគផ្សិតឲ្យបានច្បាស់។
រោគសញ្ញានៃការឆ្លងមេរោគផ្សិតលើទ្វារមាស៖
ជាដំបូង អ្នកត្រូវតែដឹងឲ្យបានច្បាស់ថា តើទ្វារមាសរបស់អ្នកឆ្លងមេរោគផ្សិតពិត ឬក៏អត់ ដោយត្រូវទៅធ្វើតេស្តសាកល្បងជាមួយនឹងគ្រូពេទ្យជំនាញ។
ការឆ្លងមរោគលើទ្វារមាសត្រូវបានកំណត់ដោយការរលាក, ក្រហាយ, រមាស់ និងការហូរទឹករំអិលពណ៌សតិច ឬច្រើន។
កង្វះអ័រម៉ូនអាចជាមូលហេុតនៃការឆ្លងមេរោគលើទ្វារមាស ដូចជា ស្ងួតទ្វារមាស, បាក់តេរីលូតលាស់លឿម, ប្រតិកម្មនឹងអង្គធាតុរំងាប់ទឹកកាម និងជាតិជ័ររបស់ស្រោមអនាម័យ, អាឡែកស៊ីដោយសារទឹកកាម និងរបបអាហារមានការប្រែប្រួល។
ប្រសិនបើមានការឆ្លងមេរោគនេះត្រូវបានត្រឡប់មកវិញ បន្ទាប់ពីការព្យាបាលបានរយៈពេល ២សប្តាហ៍ អ្នកត្រូវកំណត់ពីមូលហេតុនៃការឆ្លងមេរោគផ្សិតឲ្យឃើញ។
មូលហេតុដែលបណ្តោលឲ្យមានមេរោគផ្សិតកើតមានឡើង៖
- ឆ្លងជំងឺកាមរោគតាមរយៈការរួមភេទ
- កម្រិត pH របស់ទ្វារមាសមានការផ្លាស់ប្តូរ ក្នុងអំឡុងពេល និងបន្ទាប់ពីវដ្តរដូវ
- មានភាពស្លេកស្លាំង
- ជំងឺទឹកនោមផ្អែម
- ការផលិត និងការការពារទ្វារមាសដោយខ្លួនវាត្រូវបានផ្លាស់ប្តូរ
- ប្រព័ន្ធភាពស៊ាំត្រូវបានមានភាពទន់ខ្សោយ
- កើតជំងឺរំលាយអាហារ
- ទ្វារមាសគ្មានភ្នាក់ងារប្រឆាំនឹងមេរោគផ្សិត
- ប្រើថ្នាំផ្សះជំងឺច្រើនពេក
- ថ្នាំគ្រាប់ពន្យាកំណើត និងការព្យាបាលដោយអ័រម៉ូន
- ការផលិតអ័រម៉ូន progesterone មិនបានគ្រប់គ្រាន់
ប្រភព៖ justnaturallife