ការរួមភេទជាភាពចាំបាច់មួយនៃជីវិត ហើយវាជាកត្តាមួយទាក់ទងទៅនឹងអារម្មណ៏របស់គូស្វាមីភរិយាផងដែរ។ ការរួមភេទផ្តល់អត្ថប្រយោជន៏ច្រើនដល់សុខភាព។
តែទោះបីជាយ៉ាងណាក៏ដោយ ពេលខ្លះស្នេហាអាចជាកត្តាជាច្រើនដែលបំផ្លាញសុខភាព ដែលមនុស្សគួរតែចៀសវាង។
នៅពេលកំពុងឈឺ
ក្នុងកំឡុងពេលកំពុងស្ថិតក្រោមការព្យាបាល, រាងកាយចុះខ្សោយមិនគួរមានការរួមភេទឡើយ។
នៅពេលឈឺ មុខងាររបស់រាងកាយលែងមានសភាពធម្មតាទៀតហើយ, ជាពិសេសក្នុងករណី អ្នកមានជំងឺលើសឈាម មិនគួររួមភេទទេ, គួរចៀសវាងពីការរួមភេទនៅពេលមានអាការៈឈឺក្បាល, វិលមុខ។
អ្នកកើតជំងឺលើសឈាម យល់ល្អគួររួមភេទនៅពេលម៉ោង ៤ទាបភ្លឺ ព្រោះពេលនេះសម្ពាធឈាមមានភាពសមតុល្យភាព។
ចំពោះអ្នកកើតជំងឺបេះដូង, ស្លាក់ឈាម, ផ្លូវដង្ហើមមិនគួររួមភេទឡើយ ព្រោះវាអាចបណ្តាលឲ្យប៉ះពាល់ដល់មុខងារបេះដូង, ដាច់សរសៃ…។
ការរួមភេទក្នុងករណីទាំងនេះអាចធ្វើឲ្យមនុស្សស្លាប់ភ្លាមៗ។ ចំពោះអ្នកដែលកើតជំងឺលើសឈាមគួបផ្សំនឹងជំងឺសរសៃឈាមបេះដូង នៅពេលរួមភេទអាចប៉ះពាល់ដល់ប្រព័ន្ធសរសៃប្រសាទ អាចបណ្តាលឲ្យសម្ពាធឈាមឡើងខ្ពស់, បំពង់សរសៃឈាមរួមតូច, គាំងបេះដូង និងច្រាលឈាមក្នុងខួរក្បាល។
អ្នកជំងឺទើបតែវះកាត់រួចមិនគួរឆាប់រួមភេទឡើយ ដើម្បីចៀសវាងពីការឆ្លងបាក់តេរីចូលទៅក្នុងខ្លួន, ប៉ះពាល់ដល់សុខភាព។
អ្នកដែលឆ្លងជំងឺតាមរយៈការរួមភេទ(ប្រមេះ, ស្វាយ…) មិនគួររួមភេទទេ ព្រោះវាអាចធ្វើឲ្យជំងឺរាតត្បាតកាន់តែខ្លាំងឡើង និងមិនងាយជាសះស្បើយ។
នៅពេលរាងកាយអស់កម្លាំង និងជួបភាពតានតឹង
ការរួមភេទនៅពេលខាងស្រីមានចិត្តរសាប់រសល់ នឹងធ្វើឲ្យខាងស្រីកាន់តែមានការឈឺចាប់កាន់តែខ្លាំងឡើង។ លើសពីនេះទៀត វាធ្វើឲ្យអ្នកគ្មានក្តីសុខ, ពិបាកនឹងឈានដល់ចំណុចកំពូល, ធ្វើឲ្យមានការរាំងស្ទះ។
គូស្វាមីភរិយាមួយចំនួននៅតែបង្ខំគ្នា ទាំងដឹងថាភាគីម្ខាងមិនចង់ទៅហើយ ការធ្វើបែបនេះនឹងធ្វើឲ្យជីវិតរួមភេទគ្មានក្តីសុខឡើយ។
ប្រសិនបើនៅតែធ្វើបែបនេះច្រើនលើកច្រើនសារ ធ្វើឲ្យមនុស្សស្រីលែងចង់រួមភេទ, បុរសនឹងឆាប់មានការឈឺចាប់នៅពេលសម្រុកចូល, ប៉ះពាល់ដល់ក្តីសុខពេលរួមភេទ។
ដូច្នេះ ដើម្បីធ្វើឲ្យការរួមភេទមានក្តីសុខ មនុស្សគួរតែគេចចេញពីអារម្មណ៏មួម៉ៅ, ដាក់ភាពខ្វល់ខ្វាយមួយដុំ រួចមកបង្កើតអារម្មណ៏ល្អជាមួយនឹងគូស្នេហ៏។
ត្រូវចាំថា ក្រោយពេលធ្វើការធ្ងន់ ទាំងផ្លូវចិត្ត និងផ្លូវកាយមានការហត់នឿយ ប្រសិនបើនៅតែព្យាយាមរួមភេទទៀតនោះ សុខភាពនឹងកាន់តែទ្រុឌទ្រោម ពិបាកនឹងធ្វើឲ្យប្រសើរឡើងវិញណាស់។
នៅពេលអ្នកឃ្លាន និងទទួលទានអាហារ
នៅពេលអ្នកញ៉ាំឆ្អែត ក្រពះនិងពោះវៀនតឹងណែនល្អ ប្រសិនបើធ្វើការរួមភេទនឹងបណ្តាលឲ្យខូចពោះវៀន, ក្រពះ, ស្លាក់ឈាមដែលត្រូវបញ្ជូនទៅឲ្យខួរក្បាល និងផ្នែកដទៃទៀតនៃរាងកាយមិនបានគ្រប់គ្រាន់។
តែទោះបីជាយ៉ាងណា នៅពេលឃ្លាន រាងកាយរបស់បុរសចុះខ្សោយ, ថាមពលមិនគ្រប់គ្រាន់ ដូច្នេះការរួមភេទនឹងមិនសមដូចបំណងរបស់អ្នកឡើយ។
នៅពេលមករដូវ និងក្រោយពេលរលូតកូនរួច
មិនត្រូវរួមភេទនៅពេលមករដូវ,ព្រោះក្នុងកំឡុងពេលនេះ កស្បូនបើកចំហរ, ភាពស៊ាំត្រូវចុះខ្សោយ, ងាយនឹងស្លាក់ឈាម បណ្តាលឲ្យមករដូវមិនទៀង, ធ្លាក់ឈាម, និងបញ្ហារោគស្ត្រីជាច្រើនផ្សេងទៀត។
ការរលូតកូនអាចប៉ះពាល់ដល់សុខភាពស្ត្រី។ អ្វីដែលធ្ងន់ធ្ងរច្រើនជាងនេះ នៅតែអាចបណ្តាលឲ្យរលូតកូននៅពេលមានផ្ទៃពោះក្រោយៗទៀត, និងអាចអត់មានកូន។ ដូច្នេះ ដើម្បីធានាសុវត្ថិភាពដល់សុខភាពក្រោយពេលរលូតកូនរួច គួររួមភេទបន្ទាប់ពីបាន ២សប្តាហ៏សិន។
ករណីរលូតកូនត្រូវចេះតមចំណីក្នុងរយៈពេល ៦សប្តាហ៏។ ប្រសិនបើកើតមានកន្ទួលរមាស់លើប្រដាប់ភេទ, ធុំក្លិនមិនល្អ, មានបញ្ចេញទឹកពណ៌ខៀវ លឿង ឬត្នោតខុសពីធម្មតា, រួមទាំងឈឺចាប់ក្នុងពោះ ឬគ្រុនក្តៅ គួរតែប្រញាប់ទៅព្យាបាលឲ្យបានទាន់ពេល។
ក្នុងកំឡុងពេលមានផ្ទៃពោះ និងសម្រាលកូនរួច
ជាធម្មតា ការរួមភេទក្នុងពេលមានផ្ទៃពោះត្រូវបានគេចាត់ទុកថាជារឿងធម្មជាតិ និងមិនប៉ះពាល់ដល់គភ៌ឡើយ។ ប៉ុន្តែ ក្នុងករណីដែលអ្នកម្តាយធ្លាប់មានប្រវត្តិរលូតកូន, សម្រាលកូនមិនគ្រប់ខែ ឬរោគសញ្ញាខុសប្រក្រតី មិនគួររួមភេទឡើយ ហើយត្រូវទៅជួបវេជ្ជបណ្ឌិតដើម្បីពិភាក្សាមុនពេលមានការរួមភេទ។លើសពីនេះទៀត ស្ត្រីមានផ្ទៃពោះ ៣ខែដំបូង និងចុងខែមិនត្រូវរួមភេទទេ ដើម្បីកុំឲ្យគ្រោះថ្នាក់ដល់ការលូតលាស់ និងសុវត្ថិភាពដល់គភ៌។
ជាពិសេសនៅចុងសប្តាហ៏ទី ៥-៦ ព្រោះទឹកកាមបុរសមានផ្ទុកនូវសារធាតុជាច្រើនដែលអាចជម្រុញដល់ស្បូន បណ្តាលឲ្យមានការកន្ត្រាក់សាច់ដុំស្បូន ងាយនឹងសម្រាលកូនមិនគ្រប់ខែ និងធ្វើឲ្យកើតមានផលប៉ះពាល់អវិជ្ជមានចំពោះគភ៌។
ការរួមភេទក្នុងពេលមានផ្ទៃពោះក៏គួរតែជ្រើសយកក្បាច់ណាមួយដែលសុខស្រួល ចៀសវាងការសម្ពាធខ្លាំងទៅលើក្បាលពោះ និងមិនត្រូវសម្រុកអាអូនតូចចូលជ្រៅទៅក្នុងទ្វារមាសពេកដែរ ព្រោះវាអាចបណ្តាលឲ្យស្បូនឈឺចាប់។
៦សប្តាហ៏ក្រោយសម្រាលកូនរួច អាចត្រលប់មករួមភេទបានតាមធម្មតា ព្រោះបើប្រញាប់រួមភេទពេក វាងាយនឹងធ្វើឲ្យស្ត្រីកើតជំងឺលេចនោមពិបាកនឹងព្យាបាល និងចេញឈាមតាមស្បូន។
កំណត់ចំណាំអ្វីៗផ្សេងទៀត
ការពិសារស្រា ឬស្រាបៀបន្តិចអាចជួយជម្រុញ និងបង្កើតអារម្មណ៏អ្នកទាំង ២ឲ្យមានសម្រើបកាន់តែខ្លាំង។
តែទោះបីជាយ៉ាងណា ប្រសិនបើអ្នកញៀននឹងជាតិស្រវឹង ឧស្សាហ៏ពិសារច្រើន នោះមុខងារផ្លូវភេទរបស់អ្នកនឹងចុះខ្សោយ ទីបំផុតនឹងធ្វើឲ្យខូចសុខភាព។
ការរួមភេទក្នុងសភាពស្រវឹងញឹកញាប់ នឹងបណ្តាលឲ្យកើតជំងឺសរសៃឈាមបេះដូង, លើសឈាម, ងាយនឹងឈឺចាប់ពេលសម្រុកចូល, ប៉ះពាល់ដល់គុណភាពនៃទឹកកាមបុរសថែមទៀតផង។
កុំប្រញាប់ក្រោកឡើង ក្រោយពេលរួមភេទរួច ព្រោះវានឹងមិនល្អសម្រាប់សុខភាពឡើយ ព្រោះរាងកាយគ្មានកម្លាំងគ្រប់គ្រាន់ ក្រោយពេលរួមភេទរួច។
ប្រភព៖ soha