ប្រសិនបើសុខភាព និងកាយសម្បទារបស់អ្នកស្ថិតនៅក្នុងស្ថានភាព ៣ចំណុចដូចខាងក្រោមនេះ អ្នកគួរតែចៀសវាងការរួមភេទ។ ប៉ុន្តែបើអ្នកនៅតែរឹងទទឹង ហើយព្យាយាមបន្តការរួមភេទទៀតនោះ អ្នកនឹងជួយផលវិបាកអវិជ្ជមានធ្ងន់ធ្ងរដល់សុខភាពរាងកាយរបស់អ្នកជាក់ជាមិនខាន។ ខាងក្រោមនេះ គឺជាពេលវេលាដែលអ្នកគួរតែចៀសវាងធ្វើការ រួមភេទ នៅពេលដែលសុខភាពរបស់អ្នកមិនស្ថិតស្ថេរ៖
ពេលកំពុងមានជំងឺ
នៅពេលដែលអ្នកបានទទួលការឆ្លងមេរោគ រាងកាយរបស់អ្នកពិតជាមានភាពទន់ខ្សោយខ្លាំងណាស់ ហើយក៏ជាពេលវេលដែលអាចឲ្យអ្នកទទួលរងហានិភ័យខ្ពស់បំផុត ប្រសិនបើអ្នកនៅតែខំព្យាយាមដើម្បី "រួមភេទ”។
ជាពិសេស ជាមួយនឹងអ្នកដែលមានសម្ពាធឈាមឡើងខ្ពស់, ជំងឺសរសៃឈាមបេះដូង… ពេលរួមភេទ វានឹងធ្វើឲ្យមានការប៉ះពាល់ដល់ផ្នែកសំខាន់បំផុតនៃប្រព័ន្ធប្រសាទ, សម្ពាធឈាមអាចកើនឡើង, ត្បៀតសរសៃឈាម, ងាយនឹងមានហានិភ័យនៃជំងឺគាំងបេះដូង ឬរហូតដល់ដាច់សរសៃឈាមនៅក្នុងខួរក្បាល។
ពេលអស់កម្លាំងខ្លាំងពេក
នៅពេលដែលអ្នកកំពុងស្ថិតនៅក្នុងពេលវេលាមួយ នឿយហត់, លំបាកខ្លាំង ជាញឹកញាប់រាងកាយនឹងបាត់បង់កម្លាំងច្រើន។ ប្រសិនបើអ្នកនៅតែមានទំនាក់ទំនងរឿងលើគ្រែទៀត អ្នកអាចនឹងប្រឈមមុខការបាត់បង់ជីវិតខ្ពស់បំផុត។
ពេលស្រវឹងខ្លាំង
ពេលខ្លះស្រាពិតមានប្រយោជន៍ ប្រសិនបើអ្នកចេះប្រើប្រាស់វាឲ្យបានត្រឹមត្រូវ។ ប៉ុន្តែប្រសិនបើអ្នកទទួលទានវាច្រើនពេកហួសប្រមាន នោះរាងកាយរបស់អ្នកនឹងផ្ទុកដោយជាតិអាល់កុលកាន់តែច្រើន នឹងប៉ះពាល់ដល់ប្រព័ន្ធសរសៃឈាមបេះដូង, បណ្ដាលឲ្យត្បៀតសរសៃឈាម, បង្កើនលំហូរឈាម និងសម្ពាធឈាមឡើងខ្ពស់….។
ប្រសិនបើអ្នកនៅតែបន្តព្យាយាមធ្វើការរួមភេទនៅក្នុងពេលនេះ មានន័យថា ជាពេលងាយស្រួលបំផុត អាចបណ្ដាលឲ្យអ្នកជួបបញ្ហាជាមួយនឹងសរសៃឈាមបេះដូង និងសរសៃឈាម ដល់សុខភាពរាងកាយរបស់អ្នក៕
ប្រភព៖ http://mungkulkar.com/sexucation
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.