ស្ត្រីយើងចូរកុំចាញ់បោកឲ្យសោះណា! ស្រោមអនាម័យគឺសិចស៊ីណាស់ដឹងទេ
កុំទៅខ្វល់ថាគាត់ជាមនុស្សប្រុសសង្ហាប៉ុណ្ណា ហើយក៏មិនទៅជាបញ្ហាអីដែរចំពោះភាពសិចស៊ីរបស់គាត់ សុខភាពរបស់អ្នកទៅវិញទេដែលជាអាទិភាពលេខមួយមុនគេសម្រាប់អ្នកត្រូវគិត។ នៅពេលគាត់បង្ហាញនូវអានុភាព និងភាពសិចស៊ីគួបផ្សំជាមួយនឹងក្រសែភ្នែកដ៏មុតស្រួចមកលើរូបអ្នកអមដោយការស្ទាបអង្អែល នោះអ្នកត្រូវតែរក្សាការគ្រប់គ្រងខ្លួនឯង គិតពីសុវត្ថិភាព និងអារម្មណ៍ស្រើបស្រាលរបស់អ្នក។
ខាងក្រោមនេះជាលេសទាំង ៥យ៉ាងដែលបុរសប្រើដើម្បីព្យាយាមគេចចេញពីការពាក់ស្រោម៖
១./ «វាមិនមែនជាការទទួលខុសត្រូវ ដើម្បីផ្តល់កំណើត»
គួរឲ្យស្ដាយណាស់ នេះមិនមែនជាសម្មតិកម្មថ្មីនោះទេ។ បើតាមការស្រាវជ្រាវទៅលើវប្បធម៌អេហ្ស៊ីបបុរាណ ក្រិក និងចក្រភពរ៉ូម គឺប្រហាក់ប្រហែលគ្នានេះតែម្ដង ហើយនេះជាមូលហេតុដែលមិនឃើញមាននិយាយពីស្រោមអនាម័យនៅក្នុងអក្សរសិល្ប៍បុរាណរបស់ពួកគេនោះទេ។ ជាការពិតណាស់ មានឃើញតែឯកសារយោងមួយគត់បានបង្ហាញអំពី «បុរសជាអ្នកគ្រប់គ្រងការផ្ដល់កំណើត»។
ផ្អែកលើសេណារីយ៉ូដ៏ល្អបំផុតមួយបានបង្ហាញថាជាការល្អនោះគឺត្រូវការពារខ្លួនយើងជាមុនសិន។ វាធ្វើឲ្យមនុស្ស២នាក់ធ្វើការបង្កើតនូវជីវិតថ្មីមួយបាន និងទន្ទឹមនឹងនេះដែរវាជាការចែករំលែកនូវមេរោគចម្លងយ៉ាងសាហាវមួយដែរតួយ៉ាងជម្ងឺអេដស៍។ នេះគឺជាការមិនទទួលខុសត្រូវរបស់អ្នកនឹងគាត់។
២./ «ហ៊ឺម....ស្រោមអនាម័យនេះដូចជាមិនសូវសមនឹងខ្ញុំ»
យើងគ្រប់គ្នាគឺធ្លាប់បានឮពាក្យទាំងនេះ។ មានបុរសខ្លះអះអាងថារបស់គាត់ហាក់ដូចធំ ហើយការពាក់ស្រោមធ្វើឲ្យគាត់ហប់ និងមិនសូវជាស្រួលខ្លួនប៉ុន្មាននោះទេ រីឯបុរសមួយចំនួនទៀតថារបស់គេរាងតូចបន្តិចអញ្ចឹងពិបាក និងនៅមិនសុខស្រួលពេលដាក់ចូលក្នុងស្រោម។ បុរសស្ទើរតែទាំងអស់សុទ្ធតែដឹង ប៉ុន្តែនារីភាគច្រើនមិនសូវយល់ដឹងច្បាស់នោះឡើយអំពីប្រវែង និងទំហំរបស់បុរសនោះឡើយ។
នៅលើទីផ្សារមានប្រភេទស្រោមអនាម័យជាច្រើនដែលបង្ហាញអំពីរូបរាង ក្លិន និងទំហំសម្រាប់ឲ្យយើងជ្រើសរើសយកទៅប្រើប្រាស់បានយ៉ាងល្អប្រសើរ (អ្នកត្រូវចងចាំថាសុវត្ថិភាពជាចម្បង)។
៣./ «ការមិនប្រើស្រោមធ្វើឲ្យយើងមានអារម្មណ៍ស្និទ្ធស្នាលជាងឆ្ងាយណាស់"
ស្ដាប់មើលទៅគឺអ្នក និងគាត់ប្រាកដជាមានអារម្មណ៍ថាអញ្ចឹងមែន ឬក៏ពេលខ្លះលេងប៉ាវដើម្បីជ្រើសរើសក្នុងការមិនប្រើស្រោមផងក៏មាន។ ចុះតើអ្នកមានបានគិតទេថាពេលដែលឆ្លងនៅមេរោគស្វាយ ប្រមេះ ឬមេរោគអេដស៍នោះវាអារម្មណ៍យ៉ាងណាវិញ? តើអ្នកធ្វើដូចម្ដេចដើម្បីដោះស្រាយជីវិតមួយនេះដោយរបៀបណា? យកអារម្មណ៍មកដោះមែនទេ?
៤./ «ស្រោមអនាម័យមានក្លិន និងរសជាតិលើសលប់ វាហាក់ដូចជាខ្មៅងងឹតអញ្ចឹង»
នេះគឺជារឿងដែលហួសសម័យពេកណាស់ទៅហើយ និងគួរតែបំភ្លេចពាក្យនេះចោល ព្រោះបច្ចុប្បន្នស្រោមអនាម័យមានក្លិន និងរសជាតិល្អៗជាច្រើនសម្រាប់ជ្រើសរើស។ ទន្ទឹមនឹងនេះដែរគ្រាន់តែជារួមភេទមួយរយៈពេលខ្លីសោះបែរជាប្រៀបដូចជាការធ្វើដំណើរឆ្ងាយនោះឆ្ងាយ ដោយហ៊ានប្រើពាក្យថា «ខ្មៅងងឹត» ។ ត្រូវចងចាំថានេះគ្រាន់តែជាលេសដើម្បីគេចចេញពីការប្រើស្រោមប៉ុណ្ណោះ។
៥./ «បងសាកល្បងប្រើហើយ តែដូចជាមិនសូវល្អសោះ ជឿតែបងទៅ
សូមប្រាប់ថានេះគឺជាពាក្យដ៏កំពូលរបស់បុរសគ្រប់គ្នាយើងក្នុងការយកលេសដោះសារ ឬបោកបញ្ឆោតអ្នកដើម្បីគេឲ្យផុតពីការប្រើស្រោម ហើយអ្នកហាក់រកអ្វីឆ្លើយពុំរួច គឺចុះចាញ់គាត់ទាំងស្រុងតែម្ដង។
អ្នកដឹងទេថាការប្រើស្រោមអនាម័យគឺបង្ហាញថាអ្នកបានខ្វាយខ្វល់ពីសុខភាពរបស់អ្នក និងដៃគូបានយ៉ាងល្អប្រសើរ។ ការប្រើប្រាស់ស្រោមអនាម័យមិនបានបង្ហាញថាអ្នកមិនជឿជាក់លើគ្នា និងគ្នានោះទេ ប៉ុន្តែលទ្ធផលក្រោយពីការមិនប្រើស្រោមវិញនោះទេដែលបង្ហាញថាអ្នកស្ថិតនៅក្នុងការព្រួយបារម្ភ។
ប្រភព៖ yourtango
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.