អនាម័យផ្ទាល់ខ្លួនប្រចាំថ្ងៃរបស់មនុស្សស្រីភាគច្រើនគឺ ប្រើសំឡីអនាម័យ។ តើអ្នកដឹងថា អ្វីជាសំឡីអនាម័យ ហើយវាផ្តល់សារៈប្រយោជន៏អ្វីខ្លះដែរ?
វាស្រដៀងគ្នានឹងដុំសំឡីដែរ តែវាមិនក្រាស់ ឬការជក់ទឹកដូចគ្នាឡើយ។ ដោយសារសំឡីអនាម័យស្តើងជាដុំសំឡី ដូច្នេះ វាអាចផ្តល់ភាពសុខស្រួលសម្រាប់ប្រើប្រាស់ជារៀងរាល់ថ្ងៃ។ មានហេតុផលជាច្រើនដែលអ្នកគួរប្រើសំឡីអនាម័យ។
អ្នកប្រហែលជាមានការភ្ញាក់ផ្អើលនៅពេលបានឃើញបញ្ហាជាច្រើនរបស់អ្នកត្រូវបានដោះស្រាយត្រឹមតែរយៈពេល ១សប្តាហ៏។ តែទោះបីជាយ៉ាងណា អ្នកគួរចងចាំថា ត្រូវផ្លាស់ប្តូរសំឡីអនាម័យ ២ដងក្នុង ១ថ្ងៃ ដើម្បីចៀសវាងការឆ្លងមេរោគក្នុងទ្វាមាស និងបញ្ហាសុខភាពជាច្រើនផ្សេងទៀតផងដែរ៖
វាជួយរក្សាសម្ងួតតំបន់ឯកជនស្ត្រី
ដោយសារការបញ្ចេញទឹកខុសប្រក្រតីច្រើន ធ្វើឲ្យខោក្នុងស្ត្រីសើម។ ដើម្បីការពារបញ្ហានេះ ជម្រើសដែលល្អគួរប្រើសំឡីអនាម័យ ដើម្បីរក្សាសម្ងួត និងផ្តល់ភាពស្រស់ស្រាយត្រង់តំបន់ឯកជន។
វាជាមិត្តការពារពេលហាត់ប្រាណ
សំឡីអនាម័យអាចជួយដល់មនុស្សស្រីដែលហាត់កីឡា។ ការរត់, ធ្វើលំហាត់ប្រាណធ្ងន់ និងធ្វើសកម្មភាពជាច្រើនទៀតអាចធ្វើឲ្យតំបន់ឯកជនមនុស្សស្រីបែកញើស ហើយមានតែសំឡីអនាម័យមួយគត់ដែលអាចស្រូបយកសំណើមបាន។
ការមករដូវមិនទៀង
ការមករដូវមិនទៀងជាផលប៉ះពាល់ដល់សម្លៀកបំពាក់។ ដូច្នេះ ហេតុផលតែម្យ៉ាង គឺត្រូវប្រើសំឡីអនាម័យ ដើម្បីការពារខ្លួនអ្នកពីការមករដូវដោយមិនរំពឹងទុក និងភាពអៀនខ្មាស់។
ចុងខែ
មនុស្សស្រីអាចប្រើសំឡីអនាម័យនៅថ្ងៃចុងក្រោយនៃការមករដូវរបស់នាង។ ដោយសារវាស្តើង វាផ្តល់នូវអារម្មណ៏សុខស្រួលដល់អ្នក។
នៅពេលអ្នកអស់ក្រដាសអនាម័យ
សំឡីអនាម័យនឹងមានប្រយោជន៏ នៅពេលក្រដាសអនាម័យរបស់អ្នកអស់។ វាអាចជួយស្រូបយកទឹក ដូច្នេះវាអាចជួយការពារពីអារម្មណ៏មិនសុខស្រួល។
សុវត្ថិភាពក្នុងពេលលេង និងស្ទាបអង្អែល
ប្រសិនបើអ្នក និងគូស្នេហ៏របស់អ្នកមានចំណង់ផ្លូវភេទបន្តិចនៅកន្លែងញ៉ាំអាហារ ឬរោងភាពយន្ត, សំឡីអនាម័យដើរតួយ៉ាងសំខាន់ ក្នុងការជួយគ្រប់គ្រងលំហូរទឹកកាមចេញ។
ជួយគ្រប់គ្រងលំហូរឈាមចេញខុសប្រក្រតី
ស្ត្រីគួរប្រើសំឡីអនាម័យនៅពាក់កណ្តាលវដ្តរដូវ (កំឡុងពេលបន្តពូជ) ដើម្បីគ្រប់គ្រងការកើនឡើងនៃលំហូរទឹកចេញតាមទ្វាមាស។
ដោះស្រាយបញ្ហាស្ត្រីក្រោយពេលសម្រាលកូនរួច
អ្នកម្តាយទើបនឹងសម្រាលកូនរួចគួរប្រើសំឡីអនាម័យជាប្រចាំ ដើម្បីស្រូបយកលំហូរឈាមក្នុងរយៈពេល ២-៣សប្តាហ៏ក្រោយពេលសម្រាល។
លេចនោម
ស្ត្រីមួយចំនួនប្រើសំឡីអនាម័យសម្រាប់ការពារការលេចនោម ព្រោះដោយសារបញ្ហាប្លោកនោម។
ជួយឲ្យអារម្មណ៏ស្រស់ស្រាយ
មិនថាអ្នកស្លៀកខោក្នុងធ្វើពីអ្វីទេ តែការប្រើសំឡីអនាម័យនឹងជួយរក្សាអារម្មណ៏ស្រស់ស្រាយដល់អ្នកពេញមួយថ្ងៃ។ តែទោះបីជាយ៉ាងណា ត្រូវផ្លាស់ប្តូរសំឡីអនាម័យ ២ដងក្នុង ១ថ្ងៃ នៅពេលមានលំហូរឈាមច្រើន៕
ប្រភព៖ http://mungkulkar.com/sexucation/
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.