ពេលវេលាមានផ្ទៃពោះជាពេលវេលាដ៏ល្អបំផុតនៅក្នុងជីវិតស្ត្រី។ ហើយវាក៏ជាសេចក្តីសុខរបស់គូស្វាមីភរិយាដែលចង់ចាប់ផ្តើមគ្រួសារផងដែរ។ ចំពោះស្ត្រី, ការមានផ្ទៃពោះជាពេលវេលាដែលផ្លាស់ប្តូរនៅក្នុងជីវិតរបស់នាង ព្រោះវាបានធ្វើឲ្យនាងមានអារម្មណ៍ពិសេស។
បច្ចុប្បន្ននេះ មានប្រភេទថ្នាំពិនិត្យមើលផ្ទៃពោះជាច្រើនដែលស្ត្រីអាចជ្រើសរើសបាន។ ប្រសិនបើអ្នកគ្មានពេល ហើយប្រាក់ដើម្បីទិញថ្នាំថ្លៃៗបែបនេះទេ មានវិធីធ្វើតេស្តមើលផ្ទៃពោះដោយខ្លួនឯងនៅផ្ទះបាន ដើម្បីឲ្យបានដឹងថា អ្នកមានផ្ទៃពោះ ឬក៏អត់។
វិធីធ្វើតេស្តផ្ទៃពោះទាំងនេះពិតជាសុក្រិត ហើយត្រូវបានគេប្រើអស់រយៈពេលជាច្រើនឆ្នាំមកហើយ។ ការធ្វើតេស្តដំបូងហាក់បីដូចជាប្លែកបន្តិច ប៉ុន្តែយោងតាមអ្នកវិទ្យាសាស្ត្រជាច្រើនបានឲ្យដឹងថា វិធីនេះពិតជាមានប្រសិទ្ធិភាព និងសុវត្ថិភាពផងដែរ។
ថ្ងៃនេះ យើងនឹងបង្ហាញអ្នកពីវិធីសាស្ត្រធ្វើតេស្តផ្ទៃពោះដោយខ្លួនឯង មុនពេលអ្នកទៅជួបនឹងវេជ្ជបណ្ឌិតដើម្បីពិនិត្យ។ ការធ្វើតេស្តផ្ទៃពោះបែបនេះ ក៏មានភាពសប្បាយរីករាយម្យ៉ាងដែរ ដូច្នេះត្រូវប្រាកដថា អ្នកសាកល្បងយ៉ាងហោចណាស់ឲ្យបាន ២ដង ដើម្បីបញ្ជាក់ពីដំណឹងល្អមួយនេះ។
ខាងក្រោមនេះជាវិធីធ្វើតេស្តផ្ទៃពោះទាំង ៧យ៉ាង៖
ថ្នាំដុសធ្មេញ
ដាក់ទឹកនោម ២-៣ដំណក់ទៅក្នុងថ្នាំដុសធ្មេញពណ៌ស ១ស្លាបព្រាកាហ្វេ។ លាយវាបញ្ចូលគ្នា។ ប្រសិនបើថ្នាំដុសធ្មេញកើតមានពពុះ និងប្រែជាពណ៌ខៀវ បានន័យថា អ្នកមានផ្ទៃពោះ។
ម្សៅធ្វើឲ្យស្បែកស
ដាក់ទឹកនោមដំបូងពេលព្រឹក ២-៣ដំណក់ទៅក្នុងម្សៅធ្វើឲ្យស្បែកស ២ស្លាបព្រាបាយ។ ប្រសិនបើម្សៅនៅតែមានសភាពមិនប្រែប្រួល បានន័យថា អ្នកគ្មានផ្ទៃពោះទេ។ ប៉ុន្តែប្រសិនបើម្សៅចាប់ផ្តើមរួញចូលគ្នា បញ្ជាក់ថាអ្នកកំពុងមានផ្ទៃពោះ។
ទឹកខ្មេះ
បណ្តក់ទឹកនោម ៣-៤ដំណក់ចូលទៅក្នុងទឹកខ្មេះ ១ស្លាបព្រាបាយ។ ល្បាយសូលុយស្យុងនឹងចាប់ផ្តើមកើតពពុះ តែកុំខ្វល់ពីវា។ ទោះបីជាយ៉ាងណា ប្រសិនបើពណ៌របស់វាប្រែប្រួល បានន័យថា ការធ្វើតេស្តមើលផ្ទៃពោះទទួលបានលទ្ធផលវិជ្ជមាន។
សាប៊ូ
បណ្តក់ទឹកនោម ១-២ដំណក់ចូលទៅក្នុងដុំសាប៊ូ។ ប្រសិនបើកន្លែងបណ្តក់នោះមានកើតពពុះឡើង បានន័យថាអ្នកមានផ្ទៃពោះ។
គន្លឹះ(ទ្វារ, បង្អួច)
នេះជាវិធីបែបបុរាណ ដើម្បីឲ្យបានដឹងថា អ្នកមានផ្ទៃពោះ ឬក៏អត់។
ដាក់គន្លឹះចាស់មួយនៅក្នុងធុងមួយ ហើយយកទឹកនោមចាក់ចូល។ បន្ទាប់មកក្រោយរយៈពេល ៣ម៉ោង យកគន្លឹះចេញពីក្នុងធុង។ ប្រសិនបើមានបន្សល់ស្លាកស្នាមគន្លឹះជាប់នឹងបាតធុង បានន័យថាអ្នកមានផ្ទៃពោះ។
ស្រា និងទឹកនោម
កាលពីបរមបុរាណមក ស្ត្រីលាយស្រាជាមួយទឹកនោម ដើម្បីមើលថានាងមានផ្ទៃពោះ ឬក៏អត់។ ប្រសិនបើទឹកនោមប្រែពណ៌ មានន័យថាអ្នកមានផ្ទៃពោះ។
ស្ករស
ដាក់ស្ករស ៣ស្លាបព្រាបាយទៅក្នុងចានមួយ។ បណ្តក់ទឹកនោម ១-២ដំណក់ចូលទៅក្នុងស្ករស។ ប្រសិនបើស្ករសរលាយលឿន បានន័យថាអ្នកគ្មានផ្ទៃពោះទេ។ តែប្រសិនបើស្ករសឡើងដុំៗ ជួយអបអរផង អ្នកមានផ្ទៃពោះហើយ៕
ប្រភព៖ boldsky